Buyuk Britaniyada Qur’onning bir qismi topildi, u muqaddas kitobning dunyodagi eng qadimiy nusxasi bo‘lishi mumkin, deb yozadi “TASS”.
Birmingem universiteti xodimlari o‘z kutubxonasida saqlanayotgan Qur’on sahifalari bundan taxminan 1370 yil avvalgi zamonga tegishli ekanligini aniqladi. Bu nazariy jihatdan, ushbu qo‘lyozma muallifi Muhammad (s.a.v.) payg‘ambar bilan uchrashgan yoki uning va’zlarini eshitgan bo‘lishi mumkinligini bildiradi.
Qo‘y yoki echki terisiga bitilgan matn qariyb yuz yil davomida o‘quv muassasasi kutubxonasida saqlangan. Keyinroq u olimlar e’tiboriga tushgan va uni radiouglerodli tahlil qilishgan. Tadqiqot natijalari 95 foiz ehtimol bilan ko‘rsatishicha, Qur’onning ushbu parchasi 568—645-yillar oralig‘ida yaratilgan.
Dunyodagi muzeylar va shaxsiy kolleksiyalarda ham muqaddas kitobning turli qismlari saqlanishini hisobga olgan holda, britaniyalik olimlar qulyozmaning dunyodagi eng qadimiysi ekanligini aniq ayta olmaydi, biroq bu qilingan kashfiyotning ahamiyatini zarracha ham kamaytirmaydi.
Qulyozmaning sahifalari universitetga minglab boshqa qadimiy hujjatlar qatorida asli iroqlik tarixchi Alfons Mingan tomonidan 1920-yillarda berilgan.
Izoh (0)