Россия Федерацияси президентининг матбуот котиби Дмитрий Песков Владимир Путин 2018 йилги жаҳон чемпионати саралаш босқичига қуръа ташлаш маросимида иштирок этиши ҳамда ФИФА президенти Йозеф Блаттер билан учрашишини тасдиқлади, деб хабар қилади «РИА Новости».
Жаҳон чемпионатининг саралаш босқичига қуръа ташлаш маросими 25 июль куни Санкт-Петербургда ўтказилади. Маросим Москва вақти билан 18:00 (Тошкент вақти билан 20:00)да бошланади ва 2 соат давом этади. Маросим 100 дан ортиқ мамлакатларга трансляция қилинади.
Журналистларнинг президент жадвалида Блаттер билан учрашув бор-йўқлиги ва давлат раҳбари қуръа маросимида иштирок этиш-этмаслиги ҳақида берган саволига Песков қуйидагича жавоб берди:
«Ҳа, Блаттер билан учрашув бўлиб ўтиши кутилмоқда, бу жадвалда бор. Бундан ташқари, президент маросимнинг ушбу қисмида иштирок этади».
Аввалроқ Йозеф Блаттер Путин билан учрашув ташкил қилишларини сўрагани хабар берилганди.
Изоҳ (0)