O‘zbekistonda LG kompaniyasining G Flex 2 smartfoni sotila boshladi, deya xabar bermoqda “Mobinfo.uz”. Bu Janubiy Koreya kompaniyasining botiq korpusli hamda mayda qirilgan izlardan o‘z-o‘zini qayta tiklash xususiyatiga ega smartfonining ikkinchi avlodidir.
LG G Flex 2 smartfoni yil boshida CES ko‘rgazmasida taqdim etilgan edi. U sakkiz yadroli Qualcomm Snapdragon 810 protsessori, 5,5 dyuymli Full HD ekran, 2 Gb tezkor va 16/32 Gb ichki xotira (+microSD), 13 megapikselli asosiy kamera va 2,1 megapikselli old kamera, 3000 mA/s sig‘imli akkumulyatorga ega.
Qurilma Android 5.0 Lollipop operatsion tizimida ishlaydi.
Poytaxtning “Fleshka” savdo majmuasida LG G Flex 2 smartfoni 2,3 million so‘mdan sotilmoqda. Taqqoslash uchun, shu yerda G Flex’ni 1,5 million so‘mga xarid qilish mumkin.
Izoh (0)