Ўзбекистонда LG компаниясининг G Flex 2 смартфони сотила бошлади, дея хабар бермоқда «Mobinfo.uz». Бу Жанубий Корея компаниясининг ботиқ корпусли ҳамда майда қирилган излардан ўз-ўзини қайта тиклаш хусусиятига эга смартфонининг иккинчи авлодидир.
LG G Flex 2 смартфони йил бошида CES кўргазмасида тақдим этилган эди. У саккиз ядроли Qualcomm Snapdragon 810 процессори, 5,5 дюймли Full HD экран, 2 Гб тезкор ва 16/32 Гб ички хотира (+microSD), 13 мегапикселли асосий камера ва 2,1 мегапикселли олд камера, 3000 мА/с сиғимли аккумуляторга эга.
Қурилма Android 5.0 Lollipop операцион тизимида ишлайди.
Пойтахтнинг «Флешка» савдо мажмуасида LG G Flex 2 смартфони 2,3 миллион сўмдан сотилмоқда. Таққослаш учун, шу ерда G Flex’ни 1,5 миллион сўмга харид қилиш мумкин.
Изоҳ (0)