Чеченистон раҳбари Рамзан Қодиров Ироқ шарқида юз берган терактни «даҳшатли» деб атади ва террорчиларни исломга ҳеч қандай алоқаси йўқ эканлигини таъкидлаб ўтди, деб хабар қилади «РИА Новости».
17 июль куни Ироқ шарқидаги Бани-Саад шаҳри бозорида мина қўйилган автомобиль портлади. Одамлар Рамазон ойининг тугашини нишонлаш учун бозорга йиғилган вақтида портлаш юз берди. Натижада 120 киши қурбон бўлди. Теракт учун жавобгарликни ИШИД ўз бўйнига олди.
«Бутун дунё мусулмонлари учун энг муқаддас кун Ийд ал Фитрда Ироқнинг Бани-Саад шаҳрида даҳшатли теракт содир бўлди… Мен бир неча марта айтганман ва яна қайтараман, бу тўданинг исломга ҳеч қандай алоқаси йўқ… Ҳалок бўлганларнинг қариндошлари ва яқинларига таъзия билдираман, жабрланганларнинг тезда соғайиб кетишини тилайман», — деб ёзди Қодиров «ВКонтакте» тармоғидаги саҳифасида.
Изоҳ (0)