Xakerlar 21 milliondan ortiq amerikalik davlat xizmatchilari shaxsiy ma’lumotlarini o‘g‘irlashdi

AQShning turli idoralari kompyuter tizimlari xakerlik hujumlari oqibatida buzilishi natijasida 21 milliondan ortiq davlat xizmatchilari haqidagi ma’lumotlar o‘g‘irlangan. Bu haqda The Wall Street Journal xabar bermoqda.

Avvalroq kiberhujumdan jabr ko‘rgan AQSh kadrlar boshqarmasi (OPM) bayonotida 4 million kishining ma’lumotlari o‘g‘irlangani haqida so‘z borgandi.

O‘g‘irlangan axborotda deyarli barcha shaxsiy ma’lumotlar — ko‘z rangi, spirtli ichimliklar yoki giyohvand moddalarga bo‘lgan qiziqish va shaxsiy moliyaviy operatsiyalarning tafsilotlari ham o‘rin olgan.

Jabrlanuvchilar sonining o‘sishi davlat xizmatiga kirish vaqtida to‘ldiriladigan standart anketada amerikaliklar o‘zi, turmush o‘rtog‘i va farzandlari haqidagi ma’lumotlarni ham kiritishi bilan bog‘liq.

OPM’ning kompyuter tarmoqlarida ushbu anketalar shifrlanmagan ko‘rinishda saqlangan.