Rossiya Birlashgan millatlar tashkiloti Xavfsizlik kengashining Srebrenitsadagi fojeali hodisalar bo‘yicha rezolyutsiyasiga veto qo‘ydi, deb xabar bermoqda “Gazeta.ru”.
Buyuk Britaniya tomonidan taklif etilgan hujjatni yoqlab Xavfsizlik kengashidagi 10 ta davlat ovoz bergan, to‘rtta mamlakat, jumladan, Xitoy va Nigeriya betaraf qolgan. Bungacha Rossiya Xavfsizlik kengashiga muqobil rezolyutsiya loyihasini kiritgan edi.
Ma’lumot uchun, hozirda Bosniya va Gertsegovina hududida joylashgan Srebrenitsa shahrida 1995-yil iyul oyida serblar tomonidan 8 mingga yaqin musulmon ommaviy ravishda qatl etilgan. 2007-yilda BMTning Gaagadagi Xalqaro sudi ushbu hodisani genotsid sifatida tan olgan.
Izoh (0)