VGTRK (Butunrossiya davlat teleradiokompaniyasi) sport bo‘limi xodimlarini qisqartirishni boshladi. “RBC.ru”ning xabar berishicha, bu haqda telesharhlovchi Aleksandr Netsenko o‘z tvitterida ma’lum qilgan.
“Rasmiy axborot. VGTRKning sport bo‘limi xodimlarining barchasi 1-oktabrga qadar ishdan bo‘shatilishi rasman e’lon qilindi...”, - deb yozadi sharhlovchi.
VGTRK matbuot xizmati sport tahririyati xodimlari soni qisqartirilayotganini tasdiqladi, biroq aynan qancha xodim ishdan bo‘shatilishini ma’lum qilmadi. Ishdan ketgan xodimlardan birining so‘zlariga ko‘ra, qariyb 500 kishi ishdan olinadi.
“Gazprom-media” rahbariyatiga yaqin manbaning ma’lum qilishicha, ishdan bo‘shatilgan xodimlarning aksariyati “Rossiya-2” telekanali o‘rnida tashkil etiladigan yangi “Sport 360” telekanaliga ishga taklif etiladi.
Avval xabar berilganidek, 2015-yil kuzida VGTRKga tegishli “Rossiya-2” telekanali chastotalarida yangi sport kanali efirga chiqa boshlaydi. Mazkur kanal “Gazprom-media” xoldingi tarkibida bo‘ladi.
Izoh (0)