30-iyun kuni BAAning Sharja shahrida Sharjah Blitz international chess championship 2015 blits-turniri o‘tkazildi. Unda turli mamlakatlardan tashrif buyurgan 107 nafar shaxmatchi ishtirok etdi, deb xabar beradi “12news.uz”.
5 turdan keyin o‘zbekistonlik Javohir Sindorov ajoyib natijalar ko‘rsatdi. U finalda ketma-ket 3 ta g‘alabaga erishdi va 9 imkoniyatdan 7 ochko to‘plab, kuchlik o‘ntalikka kirdi.
Turnirda ozarbayjonlik grossmeyster G. Guseynov g‘alaba qozondi, ikkinchi pog‘onani BAAlik grossmeyster A.R.S. Salim, 3-o‘rinni esa ozarbayjonlik U. Bajarini egalladi. 4—9-pog‘onalarni 7 ochko to‘plagan turli grossmeyster va xalqaro sport ustasi bo‘lgan sportchilar bo‘lishib oldi. Sport ustaligiga nomzod hisoblangan Javohir Sindorov 7-o‘rinda qayd qilindi.
O‘zbekistonlik boshqa shaxmatchilar Shamsiddin Vohidov 5,5, Shahnoza Sobirova 5 va Humoyun Sindorov 4,5 ochko to‘pladi.
Izoh (0)