Xalqaro shaxmat federatsiyasi FIDE shaxmatchilarning iyul oyi uchun yangi reytingini e’lon qildi. Unga ko‘ra, o‘zbekistonlik 17-jahon chempioni Rustam Qosimjonov reytingda 40-o‘rinni egallab turibdi. Qosimjonov o‘tgan oydagi o‘rniga nisbatan bir pog‘ona ko‘tarilgan, deb xabar beradi “Olamsport.com”.
Amaldagi jahon chempioni norvegiyalik Magnus Karlsen hamon reyting peshqadami bo‘lib turibdi. Sobiq jahon chempioni hindistonlik Vishvanatan Anand ikkinchi o‘ringa ko‘tarilib oldi. Kuchli uchlikka yana bir sobiq jahon chempioni bolgariyalik Veselin Topalov yakun yasab bergan. Topalov Anand bilan bir xilda ochko to‘plagan bo‘lib, o‘tgan hafta Norvegiyada yakunlangan xalqaro turnirda bosh mukofotga ega chiqqan edi.
Kuchli o‘ntalik: Magnus Karlsen (Norvegiya) 2853, Vishvanatan Anand (Hindiston) 2816, Veselin Topalov (Bolgariya) 2816, Xikaru Nakamura (AQSh) 2814, Fabiano Karuana (Italiya) 2797, Anish Giri (Gollandiya) 2791, Vladimir Kramnik (Rossiya) 2783, Uesli So (AQSh) 2780, Aleksandr Grishuk (Rossiya) 2771, Levon Aronyan (Armaniston) 2765.
O‘zbekiston uchun reyting: GM Rustam Qosimjonov 2704, GM Anton Filippov 2591, GM Jahongir Vohidov 2525, GM Mixail Saltayev 2495, GM Marat Jumayev 2493, GM Saydali Yo‘ldoshev 2471, GM Aleksey Barsov 2455, GM Tohir Vohidov 2445, FM Nodirbek Abdusattorov 2432, FM Akmal Fayzullayev 2419.
Izoh (0)