Papua-Yangi Gvineyaning Port-Morsbi shahrida futbol bo‘yicha Tinch okeani o‘yinlari start oldi. Bu haqda “Stadion.uz” xabar bermoqda.
Guruh bosqichining 1-turida Taiti va Mikroneziya termalari o‘zaro kuch sinashdi. Bahs taitilik futbolchilarning 30:0 hisobdagi g‘alabasi bilan yakunlandi.
E’tiborli tomoni, uchrashuv 1-taymida Taiti termasi Mikroneziya darvozasiga “bor-yo‘g‘i” 10 ta gol urgan.
“B” guruhidan o‘rin olgan ikkinchi uchrashuvda Yangi Zelandiya termasi Solomon orollari jamoasini 2:0 hisobida mag‘lub etdi.
Ma’lumot uchun, musobaqa g‘olibi 2016-yili Braziliyaning Rio-de-Janeyro shahri mezbonlik qiladigan Olimpiya o‘yinlariga to‘g‘ridan-to‘g‘ri yo‘llanmani qo‘lga kiritadi.
Izoh (0)