Janubiy Koreyaning Kvanju shahrida Universiada mash’alasi yoqildi

Beysbolchi Pak Chxan Xo 28-chi Umumjahon yozgi Universiadasi mash’alasini yoqdi. Janubiy Koreya prezidenti Pak Kin Xe musobaqalar boshlangani to‘g‘risida e’lon qildi, deya xabar bermoqda “TASS”.

Talaba sportchilar musobaqasida 12 mingdan ziyod qatnashchi ishtirok etadi, ular sportning 21 turidagi 272 to‘plam medallar uchun bahslashadi. Kvanjudagi Universiada 12 kun davom etadi, tantanali yopilish marosimi 14-iyulga mo‘ljallangan.

Janubiy Koreya uchinchi marta Umumjahon Universiadasiga  mezbonlik qilmoqda: 1997-yili Mudjuda qishgi, oradan olti yil o‘tib Teguda esa yozgi musobaqar o‘tkazilgandi.