AQSh va Yaponiyaning texnologik jihatdan eng mukammal robotlari tez orada jang maydonida to‘qnashishi mumkin. Bu haqda “Hi-tech.mail.ru” xabar bermoqda.
MegaBot Mk. II roboti ishlab chiquvchilari omborxonasida jangovar Kuratas roboti bo‘lgan Yaponiyaning Suidobashi Heavy Industry kompaniyasini jangga chorladi. Amerikaliklar jang maydonini tanlashni va bir yildan so‘ng boshqariladigan robotlar ishtirokida insoniyat tarixidagi ilk jangni o‘tkazishni taklif qildi.
Qayd etish joiz, mazkur robotlar, fantastik asarlarning qahramonlaridan farqli ravishda, o‘yinchoq qurollar bilan ta’minlangan. Umuman olganda esa, Amerikaning MegaBot Mk. II gigant roboti birorta qurolsiz ham raqibiga jiddiy zarar yetkazishi mumkin.
Masofadan turib boshqariladigan robotlardan farqli o‘laroq, mazkur robot-mahluqlar boshidan robotlar o‘rtasidagi janglarni hisobga olgan holda ishlab chiqilgan. Kuratas shunchaki jangovar robot sifatida qurilgan bo‘lsa, MegaBot Mk. II aynan o‘q otuvchi mashina hisoblanadi.
Izoh (0)