АҚШ ва Япониянинг технологик жиҳатдан энг мукаммал роботлари тез орада жанг майдонида тўқнашиши мумкин. Бу ҳақда «Hi-tech.mail.ru» хабар бермоқда.
MegaBot Mk. II роботи ишлаб чиқувчилари омборхонасида жанговар Kuratas роботи бўлган Япониянинг Suidobashi Heavy Industry компаниясини жангга чорлади. Америкаликлар жанг майдонини танлашни ва бир йилдан сўнг бошқариладиган роботлар иштирокида инсоният тарихидаги илк жангни ўтказишни таклиф қилди.
Қайд этиш жоиз, мазкур роботлар, фантастик асарларнинг қаҳрамонларидан фарқли равишда, ўйинчоқ қуроллар билан таъминланган. Умуман олганда эса, Американинг MegaBot Mk. II гигант роботи бирорта қуролсиз ҳам рақибига жиддий зарар етказиши мумкин.
Масофадан туриб бошқариладиган роботлардан фарқли ўлароқ, мазкур робот-маҳлуқлар бошидан роботлар ўртасидаги жангларни ҳисобга олган ҳолда ишлаб чиқилган. Kuratas шунчаки жанговар робот сифатида қурилган бўлса, MegaBot Mk. II айнан ўқ отувчи машина ҳисобланади.
Изоҳ (0)