NASA’ning Quyosh dinamikasi observatoriyasi Quyoshdagi kuchli chaqnash tasvirlangan videoyozuvni taqdim etdi. The Independent’ning xabar berishicha, “Shaytonning tupugi” deb atalgan hodisa 2015-yil 18-iyun kuni yuz bergan.
Hodisa tasvirlari spektrning eng yuqori ultrabinafsha sohasi yordamida olingan bo‘lib, bu Quyosh atmosferasining quyi qatlamlaridagi moddalarni ko‘rsatish imkonini berdi. Hodisa to‘rt soatga yaqin davom etgan, uning xronikasi esa bir yarim daqiqalik rolikka jamlangan.
Quyoshdagi chaqnash – bu Quyoshdan energiya (yorug‘lik, issiqlik va kinetik energiya) ajralib chiqishi jarayoni bo‘lib, u yulduz atmosferasining barcha qatlamlarini qamrab oladi. Chaqnash vaqtida energiya bir necha daqiqa davomida ajralib chiqadi.
https://youtu.be/icitZubDmFI
Quyosh dinamikasi observatoriyasi (Solar Dynamics Observatory, SDO) – NASA’ning Quyoshni tadqiq etishga mo‘ljallangan fazoviy qurilmasidir. SDO bortida 12 turda tasvirga ola biladigan texnika mavjud. SDO’ning bir surati o‘lchami 4096 ga 4096 pikselga teng. Qurilma har 12 soniyada orbitadan Yerga tasvir yuboradi.
Izoh (0)