SVOJJDLQK departamentining Boysun tuman bo‘limi va boshqa huquqni muhofaza qiluvchi organlar xodimlari hamkorligida “Darband” YPX maskanida tadbir o‘tkazildi, deb yozadi “Huquq” gazetasi.
Tadbir davomida Buxoro—Denov yo‘nalishida harakatlanib kelayotgan “ZIL” rusumli yuk avtomashinasi to‘xtatilib tekshirilganda, yakka tartibdagi 2 tadbirkor o‘zaro jinoiy til biriktirgan holda hech qanday rasmiy hujjatga ega bo‘lmagan, chet elda ishlab chiqarilgan 31 200 000 so‘mlik ventilyatorlarni noqonuniy ravishda sotish uchun olib kelayotganligi aniqlandi.
Nashr ma’lum qilishicha, mazkur holat bo‘yicha huquqbuzarlarga nisbatan O‘zbekiston Respublikasi JKning tegishli moddasi bilan jinoyat ishi qo‘zg‘atildi. Ashyoviy dalil sifatida olib qo‘yilgan ventilyatorlar davlat foydasiga o‘tkazildi.
Izoh (0)