Fransiyaning La-Roshel shahrida 26-marta bo‘lib o‘tgan Sunny Side of the Doc hujjatli filmlar xalqaro festivalida ilk bor O‘zbekiston Milliy teleradiokompaniyasi (O‘zMTRK) delegatsiyasi, xususan, “Dunyo bo‘ylab” telekanali vakillari ishtirok etdi. Bu haqda “Jahon” agentligi xabar bermoqda.
O‘zbekiston delegatsiyasining asosiy maqsadi jahon hujjatli filmlar media bozori rivojining joriy holati va tendensiyalarini o‘rganish, yetakchi xorijiy ishlab chiqaruvchilar va distribyutorlar bilan o‘zaro manfaatli aloqalarni o‘rnatish, hujjatli filmlarning yangi namunalari bilan tanishishdan iborat bo‘ldi.
Festival doirasida O‘zMTRK vakillari mavzuli taqdimotlar bilan tanishdi, seminarlar davomida tajriba almashdi. 60dan ortiq mamlakatning 2 mingdan ziyod mutaxassislari ishtirok etgan Sunny Side of the Doc festivalida O‘zbekiston Markaziy Osiyodan yagona vakil bo‘ldi.
Izoh (0)