СВОЖЖДЛҚК департаментининг Бойсун туман бўлими ва бошқа ҳуқуқни муҳофаза қилувчи органлар ходимлари ҳамкорлигида «Дарбанд» ЙПХ масканида тадбир ўтказилди, деб ёзади «Ҳуқуқ» газетаси.
Тадбир давомида Бухоро—Денов йўналишида ҳаракатланиб келаётган «ЗИЛ» русумли юк автомашинаси тўхтатилиб текширилганда, якка тартибдаги 2 тадбиркор ўзаро жиноий тил бириктирган ҳолда ҳеч қандай расмий ҳужжатга эга бўлмаган, чет элда ишлаб чиқарилган 31 200 000 сўмлик вентиляторларни ноқонуний равишда сотиш учун олиб келаётганлиги аниқланди.
Нашр маълум қилишича, мазкур ҳолат бўйича ҳуқуқбузарларга нисбатан Ўзбекистон Республикаси ЖКнинг тегишли моддаси билан жиноят иши қўзғатилди. Ашёвий далил сифатида олиб қўйилган вентиляторлар давлат фойдасига ўтказилди.
Изоҳ (0)