Халқаро шахмат федерацияси ФИДЕ шахматчиларнинг июль ойи учун янги рейтингини эълон қилди. Унга кўра, ўзбекистонлик 17-жаҳон чемпиони Рустам Қосимжонов рейтингда 40-ўринни эгаллаб турибди. Қосимжонов ўтган ойдаги ўрнига нисбатан бир поғона кўтарилган, деб хабар беради «Olamsport.com».
Амалдаги жаҳон чемпиони норвегиялик Магнус Карлсен ҳамон рейтинг пешқадами бўлиб турибди. Собиқ жаҳон чемпиони ҳиндистонлик Вишванатан Ананд иккинчи ўринга кўтарилиб олди. Кучли учликка яна бир собиқ жаҳон чемпиони болгариялик Веселин Топалов якун ясаб берган. Топалов Ананд билан бир хилда очко тўплаган бўлиб, ўтган ҳафта Норвегияда якунланган халқаро турнирда бош мукофотга эга чиққан эди.
Кучли ўнталик: Магнус Карлсен (Норвегия) 2853, Вишванатан Ананд (Ҳиндистон) 2816, Веселин Топалов (Болгария) 2816, Хикару Накамура (АҚШ) 2814, Фабиано Каруана (Италия) 2797, Аниш Гири (Голландия) 2791, Владимир Крамник (Россия) 2783, Уэсли Со (АҚШ) 2780, Александр Гришук (Россия) 2771, Левон Аронян (Арманистон) 2765.
Ўзбекистон учун рейтинг: GM Рустам Қосимжонов 2704, GM Антон Филиппов 2591, GM Жаҳонгир Воҳидов 2525, GM Михаил Салтаев 2495, GM Марат Жумаев 2493, GM Сайдали Йўлдошев 2471, GM Алексей Барсов 2455, GM Тоҳир Воҳидов 2445, FM Нодирбек Абдусатторов 2432, FM Акмал Файзуллаев 2419.
Изоҳ (0)