O‘zbekistonda Xitoyning Meizu kompaniyasiga tegishli Meizu M2 Note smartfoni sotila boshladi, deya xabar bermoqda “Mobinfo.uz”. Qurilma iyun boshida taqdim etilgan edi.
Smartfonning korpusi yaltiroq plastmassadan tayyorlangan bo‘lib, modelning yumaloq dizayni so‘nggi iPhone shakliga o‘xshab ketadi, deb yozadi nashr.
Meizu M2 Note 5,5 dyuymli IGZO-displey, sakkiz yadroli MT6753 chipseti, 2 Gb tezkor va 16 Gb ichki xotira (+microSD), 13 megapikselli asosiy va 5 megapikselli old kamera, 3100 mA/s sig‘imli akkumulyatorga ega.
Telefon Android 5.0 Lollipop operatsion tizimiga asoslangan Flyme 4.0 firma platformasida ishlaydi.
Poytaxtning “Fleshka” savdo majmuasida Meizu M2 Note 1 099 000 so‘mga sotilmoqda.
Izoh (0)