NASA’нинг Қуёш динамикаси обсерваторияси Қуёшдаги кучли чақнаш тасвирланган видеоёзувни тақдим этди. The Independent’нинг хабар беришича, «Шайтоннинг тупуги» деб аталган ҳодиса 2015 йил 18 июнь куни юз берган.
Ҳодиса тасвирлари спектрнинг энг юқори ультрабинафша соҳаси ёрдамида олинган бўлиб, бу Қуёш атмосферасининг қуйи қатламларидаги моддаларни кўрсатиш имконини берди. Ҳодиса тўрт соатга яқин давом этган, унинг хроникаси эса бир ярим дақиқалик роликка жамланган.
Қуёшдаги чақнаш – бу Қуёшдан энергия (ёруғлик, иссиқлик ва кинетик энергия) ажралиб чиқиши жараёни бўлиб, у юлдуз атмосферасининг барча қатламларини қамраб олади. Чақнаш вақтида энергия бир неча дақиқа давомида ажралиб чиқади.
https://youtu.be/icitZubDmFI
Қуёш динамикаси обсерваторияси (Solar Dynamics Observatory, SDO) – NASA’нинг Қуёшни тадқиқ этишга мўлжалланган фазовий қурилмасидир. SDO бортида 12 турда тасвирга ола биладиган техника мавжуд. SDO’нинг бир сурати ўлчами 4096 га 4096 пикселга тенг. Қурилма ҳар 12 сонияда орбитадан Ерга тасвир юборади.
Изоҳ (0)