Жавоҳир Синдоров БААда ўтказилган мусобақанинг энг кучли шахматчилари ўнлигига кирди

30 июнь куни БААнинг Шаржа шаҳрида Sharjah Blitz international chess championship 2015 блиц-турнири ўтказилди. Унда турли мамлакатлардан ташриф буюрган 107 нафар шахматчи иштирок этди, деб хабар беради «12news.uz».

5 турдан кейин ўзбекистонлик Жавоҳир Синдоров ажойиб натижалар кўрсатди. У финалда кетма-кет 3 та ғалабага эришди ва 9 имкониятдан 7 очко тўплаб, кучлик ўнталикка кирди.

Турнирда озарбайжонлик гроссмейстер Г. Гусейнов ғалаба қозонди, иккинчи поғонани БААлик гроссмейстер А.Р.С. Салим, 3-ўринни эса озарбайжонлик У. Бажарини эгаллади. 4—9-поғоналарни 7 очко тўплаган турли гроссмейстер ва халқаро спорт устаси бўлган спортчилар бўлишиб олди. Спорт усталигига номзод ҳисобланган Жавоҳир Синдоров 7-ўринда қайд қилинди.

Ўзбекистонлик бошқа шахматчилар Шамсиддин Воҳидов 5,5, Шаҳноза Собирова 5 ва Ҳумоюн Синдоров 4,5 очко тўплади.