Оғир ақлий нуқсонларга эга болалар учун Мурувват болалар интернат уйларида ижтимоий фаолият ходими, ҳуқуқшунос, психолог, дефектолог ва тиббий ходимлар учун 100 дан ортиқ штат бирликлари яратилмоқда. Бу ҳақда Меҳнат ва аҳолини ижтимоий ҳимоя қилиш вазирлиги матбуот хизмати хабар бермоқда.
Айни пайтда вазирлик томонидан Мурувват уйларининг штат жадваллари ва фаолияти стандартлари қайта кўриб чиқилмоқда. Малакали дефектолог, логопед ва психологлар болалардаги ривожланиш жадал бориши ва уларнинг ҳаёти қувончли бўлиши учун ишлайди.
Профессионал ижтимоий ходимлар эса тарбияланувчилар ўз қариндошлари ва яқинлари ёнига, уйига қайтиши учун уларнинг оилалари билан ишлайди. Штатга киритиладиган ҳуқуқшунослар эса тарбияланувчиларнинг ҳуқуқлари бузилмаслиги, улар интернат уйидан чиққанидан сўнг, мол-мулки ва уй-жойи уларни кутиб туришини назорат қилади.
Изоҳ (0)