Misr armiyasi Sinayda 100 jangarini yo‘q qildi

Misrning Sinay yarimoroli shimolida o‘tkazilgan harbiy operatsiya vaqtida 100 nafar jangari yo‘q qilindi. “TASS” xabariga ko‘ra, Misr armiyasi to‘qnashuvlar vaqtida 17 nafar harbiy xizmatchini yo‘qotgan.

Mazkur harbiy operatsiya jangarilarning Shayx-Zuvayd va Rafah shaharlari atrofidagi 15ta blokpost va armiya inshootlariga uyushtirgan hujumiga javoban tashkil etildi.

Terrorchilarga qarshi quruqlikdagi operatsiyaga harbiy aviatsiya tomonidan ko‘mak berildi – vertolyotlar va qiruvchi samolyotlar ekstremistlarning marralariga qarata tinimsiz zarbalar berdi.

Armiyaning javob harakatlari vaqtida terrorchilar tomonidan foydalanilayotgan 20dan ortiq transport vositalari yo‘q qilindi.