AQSh Harbiy-dengiz kuchlari (HDK)ning Vashingtondagi qarorgohida otishma yuz bergani haqidagi xabarlar tasdiqlanmadi. Bu haqda “Meduza” xabar bermoqda.
Politsiyaga qo‘ng‘iroq qilib, yolg‘on ma’lumot bergan shaxs topilgan va hozirgi vaqtda so‘roqqa tutilmoqda.
HDK bosh qarorgohi va qo‘shni binolarda evakuatsiya amalga oshirilgan. Bundan tashqari, politsiya qo‘shni ko‘chalarni ham yopishga majbur bo‘lgan.
Ma’lumot uchun, 2013-yil 16-sentabrida qurollangan jinoyatchi HDKning Vashingtondagi bosh qarorgohida 12 kishini otib tashlagandi.
Qotil HDKda shartnoma asosida mehnat qilib kelgan fuqarolik xizmatchisi – Aaron Aleksis bo‘lib chiqqan, u otishma vaqtida politsiya tomonidan otib o‘ldirilgan.
Izoh (0)