Мисрнинг Синай яримороли шимолида ўтказилган ҳарбий операция вақтида 100 нафар жангари йўқ қилинди. «ТАСС» хабарига кўра, Миср армияси тўқнашувлар вақтида 17 нафар ҳарбий хизматчини йўқотган.
Мазкур ҳарбий операция жангариларнинг Шайх-Зувайд ва Рафаҳ шаҳарлари атрофидаги 15та блокпост ва армия иншоотларига уюштирган ҳужумига жавобан ташкил этилди.
Террорчиларга қарши қуруқликдаги операцияга ҳарбий авиация томонидан кўмак берилди – вертолётлар ва қирувчи самолётлар экстремистларнинг марраларига қарата тинимсиз зарбалар берди.
Армиянинг жавоб ҳаракатлари вақтида террорчилар томонидан фойдаланилаётган 20дан ортиқ транспорт воситалари йўқ қилинди.
Изоҳ (0)