Puerto-Riko o‘zining 72 milliard dollar atrofidagi davlat qarzini butkul to‘lashga qodir emas. Bu haqda orol gubernatori Alexandro Garsia Padilya New York Times gazetasiga bergan intervyusida ma’lum qildi, deya xabar bermoqda “TASS”.
Nashrning ma’lum qilishicha, ushbu orol-davlat gubernatori va ma’muriyati a’zolari o‘zlarining ko‘psonli qarz beruvchilaridan yengillik berishni so‘ramoqchi: bu ayrim qarzdorliklar bo‘yicha to‘lovlarni 5 yil keyinga surish yoki joriy to‘lovlar dasturini muayyan muddatga uzaytirishni nazarda tutadi.
“Qarz to‘lashning imkoni yo‘q, — deya bayon qildi gubernator gazetaga. — Boshqa ilojimiz yo‘q. Bu endi siyosat emas, oddiy matematika”.
Shu yil aprelida Puerto-Riko rivojlanish hukumat banki moliyalashtirish yetarlicha bo‘lmagani uchun yaqin uch oy mobaynida oroldagi davlat muassasalari yopilishi mumkinligi haqida e’lon qilgan edi. Shundan so‘ng aksar mahalliy qonun chiqaruvchilar davlatning 9,8 milliardlik byudjetini 674 million dollarga kamaytirish tashabbusi bilan chiqdi. Bu shunday ham qashshoqlik va jinoyatchilikning yuqori darajasiga ega mamlakatdagi maosh, pensiya hamda nafaqalarning qisqarishi, fuqarolar uchun soliqlarning oshirilishini anglatadi.
Izoh (0)