Rossiya prezidenti Vladimir Putin 30-iyun, seshanba kuni biznesmen Alisher Usmonov bilan uchrashadi, deya xabar bermoqda “RBK” prezident matbuot kotibi Dmitriy Peskovga tayanib.
Suhbat chog‘ida Usmonovning sport sohasidagi faoliyati mavzusiga to‘xtalib o‘tilishi kutilmoqda.
Peskov, shuningdek Usmonov Xalqaro olimpiya qo‘mitasida faol ish olib borayotganini ta’kidladi.
Nashr eslatishicha, so‘nggi haftalarda Usmonovning ismi Rossiya futbol ittifoqi bilan bog‘liq holda tez-tez tilga olinmoqda. Gap shundaki, Usmonov Rossiya futbol ittifoqiga Rossiya termasi bosh murabbiyi Fabio Kapello bilan hisob-kitob qilishga yordam berish maqsadida 300 million rubl ajratishini ma’lum qildi. Bundan avval, 2015-yil fevralida Usmonov RFIga 400 million rubllik kredit taqdim etgan edi. Alisher Usmonov RFIga taqdim etadigan jami summa RFIning murabbiy oldidagi bugungi kungacha bo‘lgan qarzlarini yopadi.
Izoh (0)