WikiLeaks sayti 29-iyun, dushanba kuni AQShning Fransiya rahbariyati ustida olib borgan kuzatuvlari haqida yangi ma’lumotlarni chop etadi, deya xabar bermoqda “Kommersant” portal asoschisi Julian Assanjga tayanib.
“Ertaga AQSh Fransiyada olib borgan kuzatuv haqidagi WikiLeaks ma’lumotlarining yangi qismi e’lon qilinadi”, — dedi Assanj 28-iyun kuni “Rossiya-1” telekanaliga bergan intervyusida.
Nashr eslatishicha, avvalroq WikiLeaks portali AQSh Milliy xavfsizlik agentligi 2006—2012-yillarda prezidentlar Jak Shirak, Nikola Sarkozi va Fransua Ollandning telefon suhbatlarini tinglaganligi haqida xabar bergan edi. Oq uy esa kuzatuv haqidagi axborotni rad etdi. Shunday bo‘lsa-da, Fransiya sobiq bosh vaziri senator Jan-Pyer Raffaren aytishicha, Parij AQSh tomonidan kuzatuv olib borilmayotgani haqida kafolat olishni istaydi.
Izoh (0)