WikiLeaks сайти 29 июнь, душанба куни АҚШнинг Франция раҳбарияти устида олиб борган кузатувлари ҳақида янги маълумотларни чоп этади, дея хабар бермоқда «Коммерсант» портал асосчиси Жулиан Ассанжга таяниб.
«Эртага АҚШ Францияда олиб борган кузатув ҳақидаги WikiLeaks маълумотларининг янги қисми эълон қилинади», — деди Ассанж 28 июнь куни «Россия-1» телеканалига берган интервьюсида.
Нашр эслатишича, аввалроқ WikiLeaks портали АҚШ Миллий хавфсизлик агентлиги 2006—2012 йилларда президентлар Жак Ширак, Никола Саркози ва Франсуа Олланднинг телефон суҳбатларини тинглаганлиги ҳақида хабар берган эди. Оқ уй эса кузатув ҳақидаги ахборотни рад этди. Шундай бўлса-да, Франция собиқ бош вазири сенатор Жан-Пьер Раффарен айтишича, Париж АҚШ томонидан кузатув олиб борилмаётгани ҳақида кафолат олишни истайди.
Изоҳ (0)