Gollandiyalik tergovchilar Ukrainadagi “Boing” qulagan hududda o‘rganish ishlarini yakunladi. Bu haqda Korrespondent.net xabar bermoqda.
Yevropada xavfsizlik va hamkorlik tashkiloti missiyasi ko‘magida Donetsk viloyatiga kirgan gollandiyalik tekshiruvchilar turli joylardan tuproq namunalarini olishdi, uyali aloqa minoralari joylashuvini aniqlash va Ukraina sharqidagi telefon tarmoqlari faoliyatini o‘rganish bo‘yicha tadqiqot o‘tkazishdi.
Olingan ma’lumotlar Gollandiyada o‘rganiladi va tahlil qilinadi. Qayd etish joiz, Gollandiya vakillari Donetskdagi tadqiqot ishlarini ikki hafta avval boshlagan edi.
Eslatib o‘tamiz, Malaysia Airlines’ning Amsterdamdan Kuala-Lumpurga MH17 reysi bilan uchib ketayotgan Boeing 777 samolyoti 2014-yil 17-iyul kuni qulagan edi. Taxminlarga ko‘ra, layner Donbass hududidan urib tushirilgan. Samolyot bortida bo‘lgan 298 kishining barchasi halok bo‘lgan.
Izoh (0)