Folklend orollarida neft qazib olish bilan shug‘ullanuvchi beshta kompaniya mulki hibsga olindi. BBC News xabariga ko‘ra, mol-mulkni musodara qilish haqidagi qaror Argentina federal sudyasi Lilian Xerraes tomonidan qabul qilingan.
Sud qaroriga Argentinaning hududiy suvlarida ekologik jihatdan xavfsiz bo‘lmagan ishlar olib borilayotgani asos qilib olingan.
Umumiy hisobda 156 million dollarlik mol-mulk musodara qilingan. Mazkur chora AQSh va Fransiyaning bittadan, Britaniyaning uchta kompaniyasiga nisbatan tatbiq etilgan.
Folklend orollari (Argentinada Malvina orollari deb ataladi) 1982-yili Argentina va Buyuk Britaniya o‘rtasidagi hududiy nizoga sabab bo‘lgan va oxir-oqibat orol ustidan nazorat London qo‘lida qolgan. Oroldan neft zaxiralari topilgani mazkur ziddiyatni yanada keskinlashtirdi.
Izoh (0)