O‘zbekistonning birinchi raketkasi Denis Istomin Londonda o‘tkaziladigan “Uimbldon” turniri oldidan ATP reytingida 30 pog‘onaga ko‘tarildi va 62-o‘ringa joylashdi, deb xabar beradi “12news.uz”.
Eslatib o‘tamiz, 27-iyun kuni o‘zbek tennischisi Nottingem shahrida o‘tkazilgan Aegon Open Nottingham turnirida g‘alaba qozondi. Istomin turnir g‘olibi sifatida 79,345 yevro mukofot puli hamda 250 reyting ochkosiga ega bo‘ldi.
Denis shu haftada “Katta dubulg‘a” turkumiga kiruvchi “Uimbldon” turniridagi ishtirokini boshlaydi. Dastlabki bosqichda uning raqibi dunyoning 65-raketka ustasi ispaniyalik Albert Ramos-Vinolas bo‘ladi.
Izoh (0)