“Arsenal” bosh murabbiyi Arsen Venger “kanonirlar” ishqibozi olamdan o‘tganidan keyin uning oilasiga shaxsan maktub yozib, ularni hayron qoldirdi, deb xabar beradi “Arsaman.ru”.
Joriy yilning mart oyida Jon Kuk 75 yoshida zotiljam kasalligidan vafot etdi. Jonning oilasi ma’lum bir vaqt o‘tganidan so‘ng “Arsenal” murabbiyidan maktub oldi.
Jonning o‘g‘li Din klubning tarjimoni bilan yozishib turardi. Fransuz mutaxassisi aynan tarjimon orqali Jon haqida xabar topgan ko‘rinadi.
“Jon hayotdan ko‘z yumgani juda qayg‘uli. Klub tizimidagi barcha xodimlar nomidan men sizga chin yurakdan hamdardlik bildiraman. Men Jon bilan shaxsan tanish bo‘lmaganimga qaramay, uni katta ishtiyoq bilan jamoa taqdirini kuzatib borganini bilamiz va buning uchun undan minnatdormiz. Bu so‘zlarim siz uchun ko‘p narsa anglatmasligini bilaman, ammo shuni bilishingizni istardimki — ushbu qayg‘uli va og‘ir damda bizning barcha o‘y-xayollarimiz siz bilan birga”, — deb yozdi Arsen Venger.
Xelen Kuk bu maktubni ramkaga solib qo‘ydi.
“Tarjimon Jonni bilardi va meni o‘g‘lim Jonni o‘lganini aytganidan keyin u Arsen Vengerga bu haqda yozgan. Bu juda ham yoqimli bo‘ldi. Men xatni olganimda sarosimaga tushib qoldim. Jon har doim ‘kanonirlar’ni qo‘llab-quvvatlagan”, — dedi Jonning bevasi.
Izoh (0)