Украинанинг Одесса вилояти губернатори Михаил Саакашвили яқин вақт ичида Украина парламентига мамлакат ҳуқуқни муҳофаза қилиш тизимида ислоҳотлар ўтказиш тўғрисидаги қонун лойиҳасини киритишга ваъда берди. Бу ҳақда Meduza хабар бермоқда.
«Ҳуқуқни муҳофаза қилиш органларида ишлаётганларнинг ҳаммасини ишдан ҳайдаш керак. Буни жуда оддий амалга оширса бўлади, бунинг учун бизга аниқ ёзилган қонунлар керак, бунда Раданинг ёрдами керак бўлади. Эрта-индин биз бу қонун лойиҳасини муҳокамага киритамиз», - деди Саакашвили.
Шунингдек, Одесса губернатори «божхонани ҳам алмаштириш» ва у ерга «нормал одамларни» олиб келишга чақирди. Хусусан, у Одесса божхонаси бошлиғи вазифасини бажарувчи шахс истеъфосига эришишга ҳаракат қилишини маълум қилди.
«Бу одамнинг бу ерда қиладиган иши йўқ – у Киевдаги кланлардан бирининг оддий бир аъзоси ва бу ерга пул оқимларини тартибга солиш учун келган. Мен ва у бир жойда бўлишимиз мумкин эмас», - деди Саакашвили.
Изоҳ (0)