O‘zbekistonning birinchi raketkasi Denis Istomin Buyuk Britaniyaning Nottingem shahrida davom etayotgan tennis turniridagi ishtirokini muvaffaqiyatli davom ettiryapti, deb xabar beradi “Olamsport.com”.
25-iyun kuni Denis chorak final bahsida kortga chiqdi. Uning raqibi argentinalik Leonardo Mayer bo‘ldi.
Taqqoslash uchun, Denis Istomin ATP reytingida 92, Leonardo Mayer esa 21-pog‘onani egallab turibdi. Istomin tennisda doim ham reyting katta rol o‘ynamasligini isbotlab uch setda Mayerni mag‘lub etdi — 6:3, 6:7, 7:6.
Yarim finalda Denis kiprlik Markos Bagdatisga qarshi kortga chiqadi.
Eslatib o‘tamiz, turnirning mukofot jamg‘armasi 644,065 yevrodan iborat. G‘olib 79,345 yevro mukofot puli hamda 250 reyting ochkosiga ega bo‘ladi.
Izoh (0)