“MYu” Serxio Ramosga qiymati 55 million yevroga teng besh yillik shartnoma taklif qildi

Angliyaning “Manchester Yunayted” futbol klubi hali ham Madridning “Real” jamoasi himoyachisi Serxio Ramosni sotib olishga urinmoqda. Bu haqda Uff.uz xabar bermoqda.

Kelishuv shartlariga ko‘ra, Ramos “MYu”dagi birinchi mavsumida 12 million yevro oladi, shundan so‘ng bu miqdor har mavsum yarim millionga qisqarib, so‘nggi mavsum 10 million yevroni tashkil etadi.

Avvalroq “Real” Ramosga yiliga 7,5 million yevro maosh taklif qilgani, biroq futbolchi yiliga 10 million yevrodan kam maosh olishni xohlamayotgani haqida xabar berilgan edi.

Bundan tashqari, “Manchester Yunayted” Ramos uchun “Real”ga darvozabon David De Xeani berib, ustiga yana 30 million yevro to‘lashga tayyorligi haqida ma’lumotlar tarqalgandi.