Англиянинг «Манчестер Юнайтед» футбол клуби ҳали ҳам Мадриднинг «Реал» жамоаси ҳимоячиси Серхио Рамосни сотиб олишга уринмоқда. Бу ҳақда Uff.uz хабар бермоқда.
Келишув шартларига кўра, Рамос «МЮ»даги биринчи мавсумида 12 миллион евро олади, шундан сўнг бу миқдор ҳар мавсум ярим миллионга қисқариб, сўнгги мавсум 10 миллион еврони ташкил этади.
Аввалроқ «Реал» Рамосга йилига 7,5 миллион евро маош таклиф қилгани, бироқ футболчи йилига 10 миллион евродан кам маош олишни хоҳламаётгани ҳақида хабар берилган эди.
Бундан ташқари, «Манчестер Юнайтед» Рамос учун «Реал»га дарвозабон Давид Де Хеани бериб, устига яна 30 миллион евро тўлашга тайёрлиги ҳақида маълумотлар тарқалганди.
Изоҳ (0)