Farg‘ona shahrida yashovchi 1968-yilda tug‘ilgan erkak o‘z yumushlari bilan ko‘chaga chiqdi, deb yozadi “Na postu” gazetasi.
Kutilmaganda paydo bo‘lgan noma’lum mashina uni urib ketdi. Haydovchi jabrlanuvchiga yordam bermasdan voqea joyidan g‘oyib bo‘ldi. Jabrlanuvchi tan jarohatlari bilan shifoxonaga yotqizildi. Bu hodisa haqida huquq-tartibot organlariga xabar berildi.
Ichki ishlar idoralari vakillari voqea joyini ko‘zdan kechirdi hamda jabrlanuvchi va guvohlardan ko‘rsatma oldi. Olib borilgan tezkor-qidiruv tadbirlari natijasida YTHni 1982-yilda tug‘ilgan farg‘onalik shaxs sodir etgani aniqlandi. U javobgarlikdan qo‘rqib, voqea joyidan qochib ketganini tan oldi. Ammo haydovchi o‘z harakatlari uchun baribir qonun oldida javob beradi.
Izoh (0)