O‘zbekiston Olimpiya terma jamoasi bosh murabbiyi Baxtiyor Ashurmatov iste’foga chiqarildi. Bu haqida O‘FF rasmiy tvitteriga tayanib, “Uff.uz” xabar bermoqda.
Eslatib o‘tamiz, Baxtiyor Ashurmatov boshchiligidagi O‘zbekiston olimpiya terma jamoasi Osiyo chempionati saralashida salbiy natija qayd etib, guruhda ikkinchi o‘rinni qo‘lga kiritgandi. Faqatgina so‘nggi lahzada boshqa guruhdagi terma jamoalarning natijasiga ko‘ra Olimpiya terma jamoasi kelasi yil Qatarda bo‘lib o‘tadigan Osiyo chempionati yo‘llanmasiga ega bo‘lgandi.
Endilikda, Olimpiya terma jamoasini Osiyo chempionatiga boshqa murabbiy tayyorlaydigan bo‘ldi.
Oldinroq O‘zbekiston milliy terma jamoasi bosh murabbiyi Mirjalol Qosimov ham iste’foga chiqarilgandi.
Izoh (0)