“Futbol sharhi” ko‘rsatuvi O‘FFdan Mirjalol Qosimovning iste’fosini so‘radi

Kecha, 22-iyun kuni “Sport” kanali orqali efirga uzatilgan “Futbol sharhi” ko‘rsatuvi O‘zbekiston futbol federatsiyasidan milliy terma jamoa bosh murabbiyi Mirjalol Qosimovning iste’fosini so‘radi, deb xabar beradi “Stadion.uz”.

“Terma jamoaning ketma-ket 4 ta bahsdagi salbiy natijasi uchun kimdir javob berishi kerak. Terma jamoa Janubiy Koreya bilan durang o‘ynadi, Yaponiyaga yirik hisobda imkoniyatni boy berdi. Eron va KXDR bilan uchrashuvlarda nursiz o‘yin qayd etildi. O‘zbekiston futbol federatsiyasi Mirjalol Qosimovni iste’foga chiqarishi kerak, nazarimizda. Shu orqali yurtimizdagi futbol muhitida o‘zgarish yuz beradi”, — deya fikr bildirdi “Futbol sharhi” muallifi Zafar Imomxo‘jayev.