Samarqand viloyati Urgut tumanida 100 o‘rinli tug‘uruq majmuasi, 150 qatnovga mo‘ljallangan ko‘p tarmoqli markaziy poliklinika binosi foydalanishga topshirildi. Bu haqda Telegraf.uz xabar bermoqda.
Tibbiyot muassasasida 4 milliard so‘mlikdan ortiq qurilish va rekonstruksiya ishlari amalga oshirildi. Majmua va poliklinika 508 million so‘mlik qattiq va yumshoq jihozlar bilan ta’minlandi. “Salomatlik-3” loyihasi asosida zamonaviy tashxis uskunalari o‘rnatildi.
Markaz faoliyatini yanada yaxshilash maqsadida 2015-yilda jarrohlik, rejali jarrohlik, reanimatsiya, ginekologiya, sterilizatsiya va qozonxona inshootlarini qurish va ta’mirlash uchun 5,2 milliard so‘m mablag‘ ajratilgan.
Hozirgi kunda bu boradagi ishlar jadal sur’atlarda olib borilmoqda.
Izoh (0)