Jahon banki (JB) dunyo yalpi ichki mahsulotining 2015-yilgi o‘sish ko‘rsatkichlarini 0,2 foizga – 2,8 foizgacha, 2016-yilgi prognoz ko‘rsatkichlarini esa 0,1 foizga – 3,2 foizgacha qisqartirdi. Bu haqda UzDaily xabar bermoqda.
Neft va boshqa muhim yoqilg‘i-xomashyo mahsulotlarining narxi pastligi bilan bog‘liq yangi shart-sharoitlarga moslashish jarayonida rivojlanayotgan mamlakatlar 2015-yilda jiddiy muammolarga duch keldi, xususan, ular kreditlar qiymati o‘sishi tahdidi bilan to‘qnash kelmoqda, bu holat esa ketma-ket to‘rt yildan beri kuzatilgan va lekin umidni oqlamagan iqtisodiy o‘sish ko‘rsatkichlariga salbiy ta’sir qiladi.
Shu munosabat bilan, 2015-yilda jahon rivojlanayotgan mamlakatlarining umumiy YaIM hajmi 4,4 foizga teng bo‘lishi, 2016-yilda 5,2 foizgacha, 2017-yilda esa 5,4 foizgacha o‘sishi prognoz qilinmoqda. Xususan, Xitoyda 2015-yilda YaIM hajmi o‘sishi 7,1 foizga qisqaradi, Yevropa va Markaziy Osiyoda esa ko‘rsatkich 1,8 foizga teng bo‘lishi taxmin qilinmoqda.
Rossiyada 2015-yilda YaIM hajmi 2,7 foizga qisqarishi kutilmoqda. Daromad darajasi yuqori bo‘lgan mamlakatlarda esa iqtisodiy o‘sish sur’atlari kuchayadi, xususan, yevrozona mamlakatlari va Yaponiyada iqtisodiy o‘sish sur’atlari oshadi, AQShda esa ko‘rsatkichlar o‘sishi davom etadi.
Izoh (0)