Жаҳон банки (ЖБ) дунё ялпи ички маҳсулотининг 2015 йилги ўсиш кўрсаткичларини 0,2 фоизга – 2,8 фоизгача, 2016 йилги прогноз кўрсаткичларини эса 0,1 фоизга – 3,2 фоизгача қисқартирди. Бу ҳақда UzDaily хабар бермоқда.
Нефть ва бошқа муҳим ёқилғи-хомашё маҳсулотларининг нархи пастлиги билан боғлиқ янги шарт-шароитларга мослашиш жараёнида ривожланаётган мамлакатлар 2015 йилда жиддий муаммоларга дуч келди, хусусан, улар кредитлар қиймати ўсиши таҳдиди билан тўқнаш келмоқда, бу ҳолат эса кетма-кет тўрт йилдан бери кузатилган ва лекин умидни оқламаган иқтисодий ўсиш кўрсаткичларига салбий таъсир қилади.
Шу муносабат билан, 2015 йилда жаҳон ривожланаётган мамлакатларининг умумий ЯИМ ҳажми 4,4 фоизга тенг бўлиши, 2016 йилда 5,2 фоизгача, 2017 йилда эса 5,4 фоизгача ўсиши прогноз қилинмоқда. Хусусан, Хитойда 2015 йилда ЯИМ ҳажми ўсиши 7,1 фоизга қисқаради, Европа ва Марказий Осиёда эса кўрсаткич 1,8 фоизга тенг бўлиши тахмин қилинмоқда.
Россияда 2015 йилда ЯИМ ҳажми 2,7 фоизга қисқариши кутилмоқда. Даромад даражаси юқори бўлган мамлакатларда эса иқтисодий ўсиш суръатлари кучаяди, хусусан, еврозона мамлакатлари ва Японияда иқтисодий ўсиш суръатлари ошади, АҚШда эса кўрсаткичлар ўсиши давом этади.
Изоҳ (0)