Qirg‘iziston poytaxti Bishkek shahrida yunon-rum kurashi bo‘yicha o‘tkazilayotgan an’anaviy xalqaro turnirda O‘zbekiston polvonlari zafarli odimlashda davom etmoqda, deb xabar beradi O‘zbekiston Milliy olimpiya qo‘mitasi matbuot xizmati.
Birinchi kun bo‘lib o‘tgan bellashuvlarda bittadan oltin, kumush va bronza medaliga sazovor bo‘lgan o‘zbekistonliklar, musobaqaning ikkinchi kuni 1 tadan oltin va kumush medalini terma jamoa hisobiga yozib qo‘ydi.
Ikki kunlik musobaqalar yakunlariga ko‘ra, O‘zbekiston terma jamoasi a’zolaridan Dilshod Turdiyev (-75 kg) va Aleksandr Loxov (-66 kg) o‘z vazn toifalarida birinchi o‘rinni egallagan bo‘lsa, Abror Mamasoliyev (-130 kg) hamda Feruza To‘xtayeva (-59 kg) kumush, Besiki Soldadze (-80 kg) esa bronza medali sohibi bo‘ldi.
Xalqaro turnir davom etmoqda.
Izoh (0)