Қирғизистон пойтахти Бишкек шаҳрида юнон-рум кураши бўйича ўтказилаётган анъанавий халқаро турнирда Ўзбекистон полвонлари зафарли одимлашда давом этмоқда, деб хабар беради Ўзбекистон Миллий олимпия қўмитаси матбуот хизмати.
Биринчи кун бўлиб ўтган беллашувларда биттадан олтин, кумуш ва бронза медалига сазовор бўлган ўзбекистонликлар, мусобақанинг иккинчи куни 1 тадан олтин ва кумуш медалини терма жамоа ҳисобига ёзиб қўйди.
Икки кунлик мусобақалар якунларига кўра, Ўзбекистон терма жамоаси аъзоларидан Дилшод Турдиев (-75 кг) ва Александр Лохов (-66 кг) ўз вазн тоифаларида биринчи ўринни эгаллаган бўлса, Аброр Мамасолиев (-130 кг) ҳамда Феруза Тўхтаева (-59 кг) кумуш, Бесики Солдадзе (-80 кг) эса бронза медали соҳиби бўлди.
Халқаро турнир давом этмоқда.
Изоҳ (0)