“Ukraina go‘zali-2015” tanlovi rasmiy saytida Miss Online konkursi yakuniga yetdi. Segodnya.ua xabariga ko‘ra, 911 da’vogar qiz orasida xarkovlik 19 yoshli Alina Reznichenko 1920 ovoz to‘plab, birinchi bo‘ldi.
Alina xodimlarni boshqari akademiyasida ta’lim oladi va fotomodel sifatida ishlaydi. U baliq ovlashni, qo‘ziqorin terishni, etika va nutq madaniyati kurslariga borishni yaxshi ko‘radi.
Miss Online tanlovi g‘olibi sifatida Alina “Ukraina go‘zali-2015”da ishtirok etish huquqini qo‘lga kiritdi, shuningdek, 50 ming grivna miqdorida pul mukofoti egasiga aylandi. Qiz bu pulni sayohatga sarflashni rejalashtirmoqda.
Ma’lumot uchun, “Ukraina go‘zali-2015” tanlovida 50 nafar qiz ishtirok etadi, ularning 25 nafari ismi hozirdan ma’lum, qolgan 25 nafar qiz esa 10-sentyabrga qadar saralab olinadi.
Izoh (0)