«Украина гўзали-2015» танлови расмий сайтида Miss Online конкурси якунига етди. Сегодня.ua хабарига кўра, 911 даъвогар қиз орасида харковлик 19 ёшли Алина Резниченко 1920 овоз тўплаб, биринчи бўлди.
Алина ходимларни бошқари академиясида таълим олади ва фотомодель сифатида ишлайди. У балиқ овлашни, қўзиқорин теришни, этика ва нутқ маданияти курсларига боришни яхши кўради.
Miss Online танлови ғолиби сифатида Алина «Украина гўзали-2015»да иштирок этиш ҳуқуқини қўлга киритди, шунингдек, 50 минг гривна миқдорида пул мукофоти эгасига айланди. Қиз бу пулни саёҳатга сарфлашни режалаштирмоқда.
Маълумот учун, «Украина гўзали-2015» танловида 50 нафар қиз иштирок этади, уларнинг 25 нафари исми ҳозирдан маълум, қолган 25 нафар қиз эса 10-сентябрга қадар саралаб олинади.
Изоҳ (0)