26 ва 24 ёшли опа-сингиллар Тошкент шаҳри Яккасарой туманидаги анҳор бўйлаб сайрга чиққанди. Шу пайт уларнинг ёнига икки йигит келди, деб хабар беради «На посту» газетаси.
Кўринишидан тарбияли кўринган йигитлар «чиройли қизлар билан танишишни исташаётгани»ни маълум қилди. Қизлар мулойимлик билан таклифни рад этди. Йигитларни бундай жавоб қониқтирмади ва улар янада қатъийлик билан опа-сингиллардан ўз исмлари ва телефон рақамларини айтишини талаб қилди.
Бу ҳам иш бермаганидан сўнг йигитлар бечора қизларни калтаклашга тушди. Қизлар ёрдам сўраб шовқин солишни бошлагач, улар тезда «жуфтакни ростлади».
Тан жароҳатлари олган қизлар тиббий ёрдамга мурожаат этди. Шу билан бирга бўлиб ўтган воқеани ички ишлар идораларига хабар қилди. Жабрдийдалар берган кўрсатма асосида муштумзўрлар тезда топилди. Улар 26 ва 21 ёшли икки йигит бўлиб чиқди.
Изоҳ (0)