Buyuk Britaniya bosh vaziri Devid Kemeron mamlakat Yevroittifoqdan chiqishi g‘oyasini qo‘llab-quvvatlovchi vazirlar vakolatlaridan voz kechishga majbur bo‘lishini aytdi, deya xabar bermoqda “RIA Novosti”.
Britaniya hukumati may oxirida parlamentga Britaniyaning YeIdan chiqishi bo‘yicha referendum haqidagi qonun loyihasini kiritgan edi, ikkinchi o‘qish 9-iyunga mo‘ljallangan. Qonun loyihasida referendum savoli “Birlashgan Qirollik Yevropa ittifoqi a’zosi bo‘lib qolishi kerakmi?” shaklida keltirilgan. Referendumni “2017-yil 31-dekabrdan kech bo‘lmagan” muddatda o‘tkazish belgilangan.
Devid Kemeron fikricha, Britaniya YeI tarkibida qolishdan manfaatdor, biroq birlashma isloh qilinishi kerak.
“Agar siz hukumat a’zosi bo‘lishni istasangiz, YeI bilan yangi muzokaralar o‘tkazib, referendum tashkil qilishga rozi bo‘lishingiz kerak, bular muvaffaqiyatli natijalar keltiradi”, — dedi Britaniya bosh vaziri Germaniyadagi G7 sammiti doirasida so‘zga chiqar ekan.
Izoh (0)